Пошук

16.06.2020 11:11   Catholic.by
Фота Віталія Палінеўскага

Міждыяцэзіяльная вышэйшая дхоўная семінарыя ў Гродне і Вышэйшая духоўная семінарыя імя святога Тамаша Аквінскага ў Пінску праводзяць прыём кандыдатаў на 2020–2021 навучальны год.

Працэс падрыхтоўкі да святарства паводле новага Ratio Fundamentalis Institutionis Sacerdotalis (дакумента Святога Пасаду, які ўстанаўлівае нормы фармацыі кандыдатаў да пасвячэння) ад 8 снежня 2016 года працягваецца сем гадоў, уключаючы ў сябе інтэгральную фармацыю: чалавечую, духоўную, інтэлектуальную і пастырскую.

Семінарыя як вышэйшая навучальная ўстанова Рыма-Каталіцкага Касцёла дае неабходныя веды і развівае якасці, патрэбныя для плённага служэння людзям і Касцёлу ў якасці святара.

У працэсе падрыхтоўкі семінарысты ўзрастаюць у веры, будуючы фундамент духоўнага жыцця праз розныя аскетычныя практыкі, і пазнаюць сябе як чалавека на розных узроўнях; вывучаюць філасофскія і тэалагічныя прадметы, а таксама замежныя і класічныя мовы і дапаможныя дысцыпліны. Акрамя духоўнага фарміравання і інтэлектуальнай падрыхтоўкі прадугледжана літургічная практыка ў парафіях. Пасля заканчэння сямігадовай фармацыі кандыдат мае права звяртацца да біскупа з просьбай удзялення яму сакрамэнту пасвячэння.

Прыём дакументаў

  • Рэктарат Міждыяцэзіяльнай вышэйшай духоўнай семінарыі ў Гродне (для кандыдатаў з Гродзенскай дыяцэзіі):

па папярэднім запісе па тэл.: +375 (15) 262 22 22

адрас: г. Гродна, вул. Парыжскай Камуны, 1

Дакументы прымае дзяжурны святар.

  • Мінска-Магілёўская архідыяцэзія:

па папярэднім запісе па тэл.: +375 (29) 553 90 76

адрас: г. Мінск, вул. Рэвалюцыйная, 1а

дакументы прымае кс. канонік Дзмітрый Пухальскі, канцлер Курыі

  • Віцебская дыяцэзія:

па папярэднім запісе па тэл. +375 (29) 884 54 82

адрас: Віцебская вобл., г. Глыбокае, вул. Савецкая, 1

дакументы прымае кс. Мікалай Ціхановіч

  • Пінская дыяцэзія:

па папярэднім запісе па тэл.: +375 (165) 32 31 57 ці +375 (29) 727 31 98

адрас: г. Пінск, вул. Леніна, 16

дакументы прымае кс. Андрэй Рылка, канцлер Курыі

Уступны экзамен і прыём дакументаў

З захаваннем належных мер бяспекі і санітарных норм у сувязі са складанай эпідэміялагічнай сітуацыяй прыём дакументаў і ўступны экзамен для кандыдатаў з усіх дыяцэзій адбудзецца ў два туры па адрасе:

г. Мінск, вул. Кальцова, 153

Пачатак у 11.00

  • І тур: 20 ліпеня — прыезд, падача дакументаў і экзамен;
  • ІІ тур: 10 жніўня — прыезд, падача дакументаў і экзамен.

На ўступным экзамене кандыдат павінен паказаць свае веды па асноўных тэмах са Святога Пісання, катэхізіса, гісторыі Касцёла, гісторыі Касцёла ў Беларусі, сваёй дыяцэзіі, актуальнага жыцця Каталіцкага Касцёла.

Кандыдаты ў семінарыю павінны прадставіць наступныя дакументы:

  • Уласнаручна напісаная заява аб прыняцці ў семінарыю з матывацыяй свайго рашэння.
  • Уласнаручна напісаная аўтабіяграфія.
  • Атэстат аб сярэдняй адукацыі або дыплом аб заканчэнні іншай навучальнай установы.
  • Сертыфікаты трох экзаменаў цэнтралізаванага тэсціравання (для кандыдатаў з сярэдняй адукацыяй):

    • 1. беларуская/руская мова
    • 2. замежная мова
    • 3. гісторыя Беларусі / сусветная гісторыя / грамадазнаўства.
  • Пасведчанне аб хросце
  • Пасведчанне аб канфірмацыі
  • Пасведчанне аб удзеле ў катэхезе
  • Характарыстыка ад пробашча
  • Характарыстыка ад катэхета
  • Медыцынская даведка ўстаноўленай формы для паступлення ў ВНУ
  • Пашпарт і яго ксеракопія (старонкі 31–33)
  • Ваенны білет або прыпісное пасведчанне (яго ксеракопія)
  • 4 фотаздымкі (3х4 см)

Кандыдат павінен быць практыкуючым католікам (не менш за тры гады) і валодаць неабходнымі якасцямі для будучага святарскага служэння.

Па ўсіх пытаннях звяртацца да кс. Паўла Эйсманта, куратара І курса, па тэл.: +375 (33) 687 19 53, або да святароў, якія прымаюць дакументы ў кожнай дыяцэзіі.

Абноўлена 16.06.2020 16:38
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця