Папа Францішак перад грабніцай святога Яна Паўла ІІ. Фота: twitter.com
У панядзелак 18 мая, у 100-ю гадавіну з дня нараджэння святога Яна Паўла ІІ, Папа Францішак узначаліць цэлебрацыю святой Імшы пры алтары на яго грабніцы ў ватыканскай базыліцы.
Як паведаміў Святы Айцец на агульнай аўдыенцыі 13 мая, трансляцыя гэтай святой Імшы, якая распачнецца а 8-й гадзіне раніцы па мінскім часе, будзе весціся на ўвесь свет. Пантыфік заахвоціў вернікаў далучыцца да малітвы з дапамогаю сучасных сродкаў камунікацыі.
«Дзякуем Богу за тое, што Ён даў нам гэтага святога біскупа Рыма, і просім Яго, каб ён нам дапамог, дапамог гэтаму Рымскаму Касцёлу, каб ён навярнуўся і развіваўся», — падкрэсліў пры гэтым Папа Францішак.
