Фота Віталія Палінеўскага
7 лютага ў мінскім катэдральным касцёле Найсвяцейшага Імя Марыі пройдзе агульны сход па падрыхтоўцы пешай пілігрымкі Мінск – Будслаў, на які арганізатары запрашаюць усіх жадаючых.
Ксяндзы хрыстусоўцы са сталічнай парафіі святога Яна Евангеліста і святога Максімільяна Кольбэ, якія сёлета з’яўляюцца адказнымі за падрыхтоўку і правядзенне пешай пілігрымкі Мінск – Будслаў, запрашаюць да супрацоўніцтва ўсіх, хто жадае далучыцца да яе арганізацыі, мае заўвагі ці прапановы альбо можа падзяліцца сваім каштоўным досведам.
Сустрэча адбудзецца ў катэдральным касцёле Найсвяцейшага Імя Марыі (пл. Свабоды, 9) пасля святой Імшы на 18.30.
