Пошук


02.09.2019 17:00   Тэкст: кс. Дзяніс Шастаковіч MSF / Catholic.by

14 верасня парафія ва Уздзе адзначае адпустовую ўрачыстасць Узвышэння Святога Крыжа. У гэтым годзе з нагоды ўрачыстасці ў мясцовым касцёле ўпершыню будзе знаходзіцца частка рэліквіі Крыжа Езуса.

Крыж для ўсіх хрысціянаў мае асаблівае значэнне. Ён з’яўляецца прыладай мукі і вялікага цярпення, але носіць у сабе знак невымоўнай любові Бога да чалавека. Таму касцёл ва Уздзе збірае вернікаў, каб ушанаваць святы знак нашага збаўлення, памаліцца Богу, падзякаваць за Яго любоў і папрасіць шчодрых ласкаў.

Удзельнікі ўрачыстасці будуць мець магчымасць ушанаваць рэліквію Крыжа.

Святочную Імшу ўзначаліць новапрэзбітэр кс. Канстанцін Цыбульскі MSF з Кангрэгацыі Місіянераў Святой Сям’і, які пасля набажэнства ўдзеліць кожнаму з прысутных благаслаўленне.

Праграма ўрачыстасці:

  • 12.00 — уводзіны ва ўрачыстасць. Гісторыя ўрачыстасці Узвышэння Святога Крыжа. Магчымасць прыступіць да споведзі
  • 12.30 — пачатак набажэнства на ўшанаванне Крыжа. Разважанні са спевамі дапамогуць абудзіць дух пабожнасці і глыбей адчуць тое, што адбылося на Крыжы
  • 13.00 — спеў да Святога Крыжа
  • 13.45 — урачыстая святая Імша. Пасля ўшанаванне крыжа і ўдзяленне кожнаму індывідуальнага благаслаўлення.
  • 15.00 — пачастунак
Абноўлена 03.09.2019 11:15
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця