Пошук


02.09.2019 12:15   Тэкст і фота: Рыта Ляховіч / Catholic.by

Парафіяне Бялынічаў разам са сваім пробашчам кс. Юзафам Сярпейкам запрашаюць вернікаў з усёй Беларусі ў свята Нараджэння Найсвяцейшай Панны Марыі ўшанаваць Маці Божую Бялыніцкую і паўдзельнічаць у Саракагадзінным набажэнстве. Кожнаму ўдзельніку ўрачыстасці рыхтуюць падарунак.

Саракагадзіннае набажэнства, якое папярэднічае ўрачыстасці ў Бялынічах, пачнецца вечарам у пятніцу 6 верасня і працягнецца да галоўнай адпустовай святой Імшы, што адбудзецца а 15-й гадзіне 8 верасня. Лічыцца, што такое набажэнства абараняе ад уздзеяння зла, ад спакусаў і ўсялякай небяспекі. Але самае галоўнае тое, што яно служыць паглыбленню веры, ўмацаванню адносін з Богам і нараджае еднасць усяго Касцёла.

Сёлета мясцовыя парафіяне вырашылі кожнаму, хто будзе разам з імі ўдзельнічаць ва ўрачыстасці Маці Божай Бялыніцкай, напрыканцы падараваць прыемны гасцінчык — слоік мёду, каб усе змаглі прывезці з беларускай Чэнстаховы не толькі благаслаўленне ад Панны Марыі, але і гэты салодкі сімвал.

Мёд — адзіны ў свеце прадукт, які не псуецца. Можа, менавіта таму ў Святым Пісанні яго згадваюць у кантэксце Божага Слова, якое існуе вечна.

Мёд — сімвал непахіснасці і адначасова знак асалоды ад разумення Божага Слова.

 

Абноўлена 02.09.2019 17:21
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.