9 лютага святар Святаслаў Рагальскі ад свайго імя і ад членаў і супрацоўнікаў Міжнароднага грамадскага аб'яднання «Хрысціянскі адукацыйны цэнтр імя святых Мяфодзія і Кірыла» накіраваў спачуванне арцыбіскупу Юзафу Станеўскаму, Мітрапаліту Мінска-Магілёўскаму, у сувязі са смерцю біскупа Казіміра Велікасельца.
Арцыбіскупу Юзафу Станеўскаму,
Мітрапаліту Мінска-Магілёўскаму,
Старшыні Канферэнцыі Каталіцкіх
Біскупаў Беларусі
Ваша Высокапраасвяшчэнства!
Ад імя Праўлення, членаў і супрацоўнікаў Міжнароднага грамадскага аб'яднання «Хрысціянскі адукацыйны цэнтр імя святых Мяфодзія і Кірыла», а таксама і ад сябе асабіста дазвольце выказаць Вам і ўсім палескім вернікам глыбокія спачуванні ў сувязі са смерцю найстарэйшага іерарха Каталіцкага Касцёла ў Беларусі — біскупа Казіміра Велікасельца ОР.
Уладыка Казімір больш за трыццаць гадоў аддаў служэнню на беларускай зямлі, 27 з якіх — у сане біскупа. Сёння ўзгадваюцца яго добрыя словы аб дыялогу з Беларускай Праваслаўнай Царквой, які ажыццяўляўся сумесна пры ўдзеле Мітрапаліта Філарэта, Першага Патрыяршага Экзарха ўсяе Беларусі.
«Шчаслівыя памерлыя, якія паміраюць у Госпадзе. Сапраўды, — кажа Дух, — няхай адпачнуць ад сваіх прац, бо іхнія справы ідуць за імі» (Ян 14, 13).
Верым, што добрыя справы памерлага іерарха, біскупа Казіміра Велікасельца, будуць яркім сведчаннем аб ім перад Госпадам, і Ён супакоіць душу раба Свайго ў паселішчах праведных.
З пачуццём глыбокага спачування,
святар Святаслаў Рагальскі
Старшыня МГА «Хрысціянскі адукацыйны цэнтр імя святых Мяфодзія і Кірыла»
9 лютага 2026 года
