Фігура, якую Мітрапаліт Тадэвуш Кандрусевіч благаславіў у Фаціме 4 кастрычніка для перэгрынацыі па парафіях архідыяцэзіі, будзе ўрачыста ўнесена ў архікатэдральны касцёл Імя Найсвяцейшай Панны Марыі 13 кастрычніка перад святой Імшой у 18.30.

16 кастрычніка пасля Імшы ў 13.00 распачнецца перэгрынацыя фігуры па парафіях архідыяцэзіі ў межах падрыхтоўкі і святкавання юбілею 100-годдзя фацімскіх аб’яўленняў.

Пасля заканчэння перэгрынацыі фігура Маці Божай Фацімскай будзе змешчана ў бочным алтары мінскай архікатэдры.

Нагадаем, што гэта ўжо не першая перэгрынацыя фацімскай фігуры ў гісторыі Каталіцкага Касцёла ў нашай краіне. У 1997 г. фігура Маці Божай была прывезена з Фацімы тагачасным арцыбіскупам Мінска-Магілёўскай архідыяцэзіі кардыналам Казімірам Свёнткам. Перэгрынацыя была арганізавана па ўсёй Беларусі і працягвалася да 1998 года.