Пошук


25.07.2018 06:00   Паводле: Vatican News / Catholic.by
Нямецкія міністранты падчас сустрэчы з Папам © Vatican News
Нямецкія міністранты падчас сустрэчы з Папам © Vatican News

60 тысяч міністрантаў, хлопцаў і дзяўчат, чакаюць арганізатары штогадовай міжнароднай пілігрымкі ў Рым. 31 ліпеня яны сустрэнуцца з Папам.

«Шукай міру, ідзі за ім!» — гэтыя словы з Псальма 34 з’яўляюцца дэвізам міжнароднага форуму ўдзельнікаў службы алтара. Яны прыедуць з 18 краін: Антыгуа і Барбуда, Бельгіі, Францыі, Вялікабрытаніі, Германіі, Харватыі, Люксембурга, Аўстрыі, Партугаліі, Румыніі, Расіі, Швейцарыі, Сербіі, Славакіі, Чэхіі, Венгрыі, Украіны і Злучаных Штатаў Амерыкі.

Як тлумачаць арганізатары, пілігрымка з’яўляецца ініцыятывай маладых людзей на карысць міру ва ўсім свеце. Яна стане для іх магчымасцю даць сведчанне імкнення да агульнай будучыні, пабудаванай на Хрысце.

«У апошнія месяцы і гады палітычныя ўзрушэнні паказалі, што маладыя людзі ў Еўропе павінны перш за ўсё даваць супольнае сведчанне асабістым прыкладам агульных каштоўнасцяў і сувязяў дзеля сумеснага будавання будучыні», — гаворыцца ў спецыяльным паведамленні.

Два дні пілігрымкі, да якой кожная дыяцэзія, што бярэ ўдзел у сустрэчы, рыхтуецца індывідуальна, дадуць магчымасць для інтэграцыі, абмену вопытам і агульнай малітвы за мір. У аўторак 31 ліпеня ў 18.00 міністранты прымуць удзел у спецыяльнай аўдыенцыі з Папам на плошчы св. Пятра, якой будзе папярэднічаць праграма, складзеная з музыкі, сведчанняў і малітваў на розных мовах. У сераду 1 жніўня яны возьмуць удзел у сустрэчах у групах у адным з 300 спецыяльна для гэтага прадугледжаных месцаў у Рыме.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.