Фота са старонкі спаборніцтваў у Фэйсбуку
6 лютага ў італьянскім горадзе Брэшыя распачаўся ХІІ Чэмпіянат Еўропы па міні-футболе сярод каталіцкіх святароў. У спартыўным спаборніцтве прымаюць удзел 250 святароў з 16 краін Еўропы.
Беларуская каманда, якую прадстаўляюць святары Гродзенскай дыяэцэзіі, прыбыла ў Брэшыю напярэдадні.
Распачаўся чэмпіянат супольнай святой Імшой, падчас якой быў арганізаваны сінхронны пераклад.
Фота са старонкі спаборніцтваў у Фэйсбуку
У групах С і Е спаборніцтвы адкрые матч беларускіх святароў з палякамі, пяцікратнымі чэмпіёнамі гэтых спаборніцтваў. У гэты ж дзень беларусы згуляюць з камандамі Аўстрыі і Чэхіі.
Выступленні беларусаў на чэмпіянатах Еўропы:
- 2011 год, Польшча — 13-е месца
- 2012 год, Венгрыя — 8-е месца
- 2013 год, Славенія — 9-е месца
- 2014 год, Беларусь — 4-е месца
- 2015 год, Аўстрыя — 10-е месца
- 2016 год, Славакія — 6 месца
- 2017 год, Харватыя — 15 месца
Завершыцца чэмпіянат 8 лютага. Дагэтуль лепшым вынікам беларускіх святароў было 4-е месца ў 2014 годзе, калі чэмпіянат праходзіў у беларускай Лідзе.
