У галерэі «Арт-Банк» у Пецярбургу 27 снежня адкрыецца выстаўка «Марк Шагал. La Bible». Пра гэта паведамляе прэс-служба гарадскога камітэта па культуры.
У складзе экспазіцыі — больш за 60 твораў, якія ілюструюць падзеі Старога Запавету. Работы суправаджаюцца біблейскімі тэкстамі, якія апісваюць кожны канкрэтны сюжэт, што дазволіць наведвальнікам выстаўкі даведацца шмат новага пра творчасць мастака і яго ўспрыманне Святога Пісання.
«Важнае месца ў творчасці Шагала займаюць яго ілюстрацыі да Бібліі, якія майстар пачаў ствараць у 1930-я гады, а скончыў ужо пасля Другой сусветнай вайны. Шырокая серыя, якая ўбачыла свет пасля доўгіх гадоў крапатлівай працы, прадэманстравала сапраўды ўнікальнае бачанне мастаком Бібліі», — гаворыцца ў паведамленні.
Спецыяльна для стварэння дадзенай серыі мастак авалодаў тэхнікай літаграфіі. 12 работ з серыі «Вокны Іерусаліма», таксама ўключаных у экспазіцыю, з’яўляюцца эскізамі вітражоў для сінагогі пры шпіталі ў Іерусаліме.
