Пошук

27.10.2017 13:04   Catholic.by

У студзені 2018 года кінакампанія Cinecittà Studios распачынае здымкі тэлесерыяла, заснаванага на рамане італьянскага пісьменніка Умбэрта Эка «Імя Розы». Здымкі пройдуць у Рыме. Пра гэта паведамляе Variety.

Галоўную ролю ў фільме сыграе вядомы галівудскі акцёр Джон Туртурра. Ён з’явіцца ў вобразе Уільяма (Вільгельма) Баскервіля, французскага манаха, які прымае ўдзел у расследаванні гібелі нейкага Адэльма Атранцкага, манаха-бэнэдыктына, а таксама ў шэрагу іншых загадкавых забойстваў.

Дзеянне ў фільме адбываецца ў канцы лістапада 1327 года ў Італіі.

Рэжысёрам карціны стане Джакама Баціята. Стваральнікі серыяла падкрэсліваюць, што працу над серыялам ажно да сваёй смерці ў 2016 годзе ўзначальваў сам Умбэрта Эка. Рашэнне пісьменніка кіраваць працай над сцэнарыем тлумачыцца тым, што ён быў незадаволены папярэдняй экранізацыяй свайго рамана. У 1986 годзе быў выпушчаны кінафільм «Імя Розы» з Шонам Конары ў галоўнай ролі.

Нягледзячы на поспех фільма ў пракаце і шматлікія ўзнагароды, Умбэрта Эка застаўся незадаволены экранізацыяй кнігі. На яго думку, сцэнарыст празмерна спрасціў яго твор, зрабіўшы прадуктам масавай культуры.

З таго часу пісьменнік ні разу не даваў дазвол на экранізацыю сваіх твораў. Ён адмовіў у тым ліку і Стэнлі Кубрыку.

Абноўлена 27.10.2017 17:11
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця