У Рыме 4-7 кастрычніка праходзіць Міжнародны кангрэс біскупаў і фарматараў духоўных семінарый, прысвечаны працы над новай праграмай падрыхтоўкі кандыдатаў да святарства. Арганізатар сустрэчы – Кангрэгацыя па справах духавенства.
У пасяджэнні прымаюць удзел прадстаўнікі епіскапатаў і семінарый больш чым 40 краін свету з чатырох кантынентаў.
Касцел у Беларусі на кангрэсе прадстаўляе біскуп Аляксандр Яшэўскі SDB, старшыня Камісіі ККББ па справах фармацыі да святарства, а таксама рэктар семінарыі ў Пінску кс. Андрэй Рылка і прэфект семінарыі ў Гродне кс. Андрэй Лішко.
У межах працы кангрэса абмяркоўваюцца такія тэмы, як святарская тоеснасць, падрыхтоўка нацыянальнай праграмы фармацыі семінарыстаў, асноўныя палажэнні новай агульнакасцёльнай праграмы фарміравання кандыдатаў да святарства, пастаянная фармацыя святароў і г.д.
Форум завершыцца супольнай Эўхарыстыяй у базыліцы святога Пятра ў Ватыкане і сустрэчай удзельнікаў з папам Францішкам.
