8 красавіка Папа Францішак прызначыў новага біскупа для католікаў візантыйскага абраду ў Балгарыі.
Айцец Петка Валаў (балг.: Петко Вълов) стаў на чале грэка-каталіцкай епархіі святога Яна XXIII для католікаў візантыйскага абраду ў Балгарыі.
Біскуп-элект Петка Валаў нарадзіўся 8 студзеня 1966 года ў Сафіі. Духоўную фармацыю праходзіў у Грэцкай калегіі ў Рыме, курс тэалогіі — у Папскім Грыгарыянскім універсітэце і ў Папскай Альфансіянскай акадэміі, дзе атрымаў ступень ліцэнцыята маральнай тэалогіі. Прэзбітэрскае пасвячэнне атрымаў 11 кастрычніка 1997 года ў грэка-каталіцкай епархіі святога Яна XXIII. З 1999 года быў пробашчам парафіі Успення Багародзіцы ў мястэчку Нова-Дэлчава, з 2009 года — канцлер епархіі, з 2020 года — сакратар Балгарскай міжабрадовай канферэнцыі біскупаў.
