На 57-м пасяджэнні Пленарнага сходу Канферэнцыі Каталіцкіх Біскупаў Расіі, якое з 28 лютага па 1 сакавіка праходзіла ў рэкалекцыйным доме «Вифлеем» пад Навасібірскам, Старшынёй канферэнцыі быў пераабраны арцыбіскуп Паоло Пэццы, ардынарый архідыяцэзіі Маці Божай у Маскве.
Як паведамляецца на сайце расійскага каталіцкага епіскапату Catholic-russia.ru, яго намеснікам стаў ураджэнец Беларусі біскуп Кірыл Клімовіч, ардынарый дыяцэзіі святога Юзафа ў Іркуцку. Сакратаром быў пераабраны айцец Штэфан Ліпке SI.
Адзнчаецца, што гэтыя прызначэнні дзейнічаюць тэрмінам на тры гады.
Акрамя таго, сайт Канферэнцыі Каталіцкіх Біскупаў Расіі інфармуе, што сваім прадстаўніком на Сінодзе Біскупаў у Рыме, які будзе праходзіць у дзве сесіі — увосень 2023 і ўвосень 2024 года — расійскія біскупы абралі арцыбіскупа Паоло Пэццы, а яго намеснікам — біскупа Клеменса Пікеля, ардынарыя дыяцэзіі святога Клімэнта ў Саратаве.
У пасяджэнні епіскапату ў Сібіры ўзяў удзел Апостальскі нунцый у Расіі арцыбіскуп Джаванні Д’Аньеллё.
