4 верасня падчас чарговай сесіі Генеральнага Капітула Ордэна Кармэлітаў Босых, які з 30 жніўня праходзіць у Рыме, быў абраны новы Генеральны настаяцель гэтай манаскай супольнасці.
Ім стаў айцец Мігель Маркес Калле OCD з Іберыйскай правінцыі ордэна (Іспанія).
Пасля абрання ўдзельнікі Капітулу — каля сотні кармэлітаў з усіх кантынентаў, у тым ліку і з Беларусі, — сабраліся ў касцёле, каб урачыстым спевам гімна Te Deum праславіць Бога, дзякуючы Яму за выбар і давяраючы новага Генеральнага настаяцеля Божаму Провіду.
Потым усе прысутныя прывіталі новаабранага настаяцеля, а на заканчэнне ўшанавалі Маці Божую спевам Salve Regina.
Айцец Мігель Маркес Калле OCD нарадзіўся 5 кастрычніка 1965 года ў Пласэнсіі, што непадалёк ад Касэрэса на захадзе Іспаніі. Першыя манаскія абяцанні прынёс 21 кастрычніка 1989 года, прэзбітэрская пасвячэнне прыняў 23 чэрвеня 1990 года.
