Міністр замежных спраў Эквадора Мануэль Мехія аб’явіў, што Папа Францішак наведае гэтую паўднёваамерыканскую краіну з нагоды 53-а Міжнароднага эўхарыстычнага кангрэса, які пройдзе ў 2024 годзе ў сталіцы краіны Кіто.
Як паведамляе rusecuador.ru, Мехія зрабіў гэтую заяву ў сацыяльных сетках пасля сустрэчы з апостальскім нунцыем у Эквадоры арцыбіскупам Андрэсам Караскосам.
«Незвычайная навіна: Папа Францішак ізноў прыедзе ў Эквадор, дзякуючы таму, што Кіто будзе прымаць 53-ці Міжнародны эўхарыстычны кангрэс»,
— напісаў міністр.
Эквадор упершыню будзе прымаць непасрэдны ўдзел у правядзенні падобнага міжнароднага мерапрыемства, «такога важнага для жыцця паўсюднага Касцёла». На форуме збяруцца іерархі з усяго свету.
Кульмінацыяй кангрэса па традыцыі стане Statio Orbis — урачыстая Эўхарыстыя з удзелам міжнароднай супольнасці, якую ўзначаліць Святы Айцец.
20 сакавіка ў Ватыкане таксама паведамлялася, што правядзенне эўхарыстычнага кангрэса ў Эквадоры «паслужыць евангелізацыі і аднаўленню веры на лацінаамерыканскім кантыненце».
Папа Францішак ужо наведваў Эквадор у чэрвені 2015 года. У 1985 годзе з візітам у гэтай краніне пабываў таксама святы Ян Павел ІІ.
