Фота: паблік катэдры ў Іркуцку
У Іркуцку (Расія) на тэрыторыі катэдры Беззаганнага Сэрца Маці Божай была ўсталявана фігура святога Яна Паўла ІІ.
Як паведамляе Sib-catholic.ru са спасылкай на старонку парафіі УКантакце, фігура была перададзена ў дар гораду і парафіі ад польскіх католікаў у 2017 годзе і да гэтага часу знаходзілася ўнутры святыні. Яе ўстанавілі 29 верасня.
Усталяванне было прымеркавана да 100-годдзя з дня нараджэння Яна Паўла ІІ.
Пад фігурай змешчаны надпіс «Святы Ян Павел ІІ, маліся за нас!».
У кастрычніку па ўсім свеце традыцыйна праходзяць дні памяці святога Папы, калі вернікі дзякуюць Богу за дар яго пантыфікату.
