Пошук


11.11.2018 21:50   Паводле: Vatican News / Catholic.by

11 лістапада падчас сустрэчы з вернікамі на малітве «Анёл Панскі» папа Францішак узгадаў гадавіну завяршэння Першай сусветнай вайны і заклікаў скончыць усе канфлікты ў свеце.

«Сёння гадавіна заканчэння Першай сусветнай вайны, якую мой папярэднік Бэнэдыкт XV назваў „бескарыснай бойняй“. Таму сёння, у 13.30 італьянскага часу, будуць біць званы па ўсім свеце, у тым ліку ў базыліцы св. Пятра.

Гістарычная старонка Першай сусветнай вайны з’яўляецца для ўсіх строгім папярэджаннем, каб адкінуць культуру вайны і шукаць усе законныя сродкі, каб пакласці канец канфліктам, якія працягваюць выклікаць праліццё крыві ў многіх рэгіёнах свету.

Калі мы молімся за ўсіх ахвяраў гэтай страшнай трагедыі, мы заклікаем: давайце інвеставаць у мір, а не ў вайну!

І ў якасці сімвалу возьмем вялікага святога Марціна Турскага, якога мы ўзгадваем сёння: ён разрэзаў свой плашч на дзве часткі, каб падзяліцца з бедным. Гэты жэст гуманнай салідарнасці дэманструе ўсім шлях да пабудовы міру», — сказаў Святы Айцец.

Абноўлена 11.11.2018 23:35
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа