Пошук
19.10.2018 10:49   Vatican News / Catholic.by

Падчас абмеркавання ў працоўных групах дакладаў па трэцяй частцы Працоўнага дакумента XV Звычайнай Асамблеі Сінода Біскупаў была звернута ўвага на ролю жанчын у жыцці Касцёла.

У прыватнасці, айцы Сіноду гаварылі аб патрэбе пераадолення ўсіх форм адчужэння і стэрэатыпаў адносна жанчын, а таксама павагі і прызнання жаночага харызмату.

Гэта называлася па-сапраўднаму тэрміновай патрэбай. Было выказана пажаданне правесці спецыяльны Сінод, прысвечаны жанчынам.

Варта адзначыць, што гэтая прапанова ўжо агучвалася Папскай камісіяй па справах Лацінскай Амерыкі. Прысвяціць чарговы Сінод Біскупаў тэме «Жанчына ў жыцці і місіі Касцёла» было прапанавана ў справаздачы гэтай ватыканскай структуры, апублікаванай 11 красавіка ў газеце L’Osservatore Romano.

Выказваючы ўдзячнасць за сведчанне хрысціянскіх жанчын, члены Камісіі адначылі, што жанчыны, замужнія і кансэкраваныя, могуць і павінны адыгрываць большую ролю ў жыцці Касцёла, у тым ліку ў фармацыі будучых святароў.

Абноўлена 19.10.2018 11:09
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа