Пошук


16.10.2018 12:20   Vatican News / Catholic.by

Папа Францішак заклікае вернікаў і ўсіх людзей добрай волі прысвяціць кастрычнік малітве за кансэкраваных асобаў. Сваю малітоўную інтэнцыю на бягучы месяц ён агучыў з дапамогай адмысловага відэазвароту.

«Кансэкраваныя асобы вельмі важныя для місіі Касцёла з іх малітвай, беднасцю і цярплівасцю. Перад абліччам сучасных сусветных выклікаў мы як ніколі маем патрэбу ў іх поўнай адданасці абвяшчэнню Евангелля», — падкрэсліў Святы Айцец у відэароліку, які 15 кастрычніка быў распаўсюджаны Папскай сусветнай малітоўнай сеткай.

«Не дазволім пазбавіць нас місійнага энтузіязму і молімся, каб кансэкраваныя асобы абудзілі місіянерскі запал і былі прысутныя сярод бедных, адштурхнутых на ўзбочыну і тых, якія не маюць голасу», — нагадаў сваю малітоўную інтэнцыю Пантыфік.

Паводле дадзеных Папскага статыстычнага даведніка за 2017 г., у свеце налічваецца каля 190 тыс. законнікаў і 670 тыс. законніц. Важнасць іх служэння для Касцёла Пантыфік шматразова падкрэсліваў у сваіх зваротах.

Абноўлена 16.10.2018 14:22
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа