Ватыканскі філатэлістычна-нумізматычны аддзел выпусціў залатую манету вартасцю 200 еўра — чарговую з серыі «Кардынальныя цноты». Яна прысвечана трэцяй з іх — мужнасці, якая выяўлена, згодна з каталіцкай традыцыйнай іканаграфіяй, у выглядзе моцнага воіна са шчытом і булавой у руцэ. На зваротным баку манеты змешчаны герб папы Францішка.
Мужнасць, як гаворыцца ў спецыяльным паведамленні ватыканскай структуры, — гэта цнота, якая забяспечвае цвёрдасць у цяжкасцях і сталасць у імкненні да лепшага, умацоўвае рашучасць у супрацьстаянні спакусам і пераадоленні перашкод у маральным жыцці. Цнота мужнасці дазваляе перамагчы страх, нават страх смерці, перад абліччам выпрабаванняў і пераследу.
Манета выканана з золата 917 пробы, мае вагу 40 грам, дыяметр 38,5 міліметраў. Усяго свет убачаць 499 манет, якія калекцыянеры змогуць набыць коштам 2 990 еўра за кожную.
