Пошук


28.08.2017 11:54   sib-catholic.ru / Catholic.by

Дзяржаўны Сакратар Святога Айца кардынал П’етро Паралін выказаў занепакоенасць з прычыны відэароліка, у якім тэрарыстычная групоўка «Ісламская дзяржава» называе сваёй наступнай мішэнню папу Францішка.

Пра гэта паведамляе Седмица.ру са спасылкай на Прэс-службу Ватыкана.

«Дзяржаўны Сакратар кардынал П’етро Паралін, афіцыйны прадстаўнік Святога Пасаду, заявіў журналістам у суботу, што напярэдадні ўбачыў відэа, якое ўказвае на тое, што Папа Рымскі з’яўляецца мішэнню баевікоў», — гаворыцца ў афіцыйным пасланні Прэс-службы Ватыкана.

Паводле паведамлення, нядаўна на сваім канале ў Telegram баевікі «Ісламскай дзяржавы» змясцілі відэа, пасля прагляду якога ствараецца ўражанне, што Італія і Ватыкан з’яўляюцца наступнай мішэнню іх тэрарыстычных атак.

Па словах кардынала Параліна, відэаматэрыял не можа не выклікаць трывогі, у першую чаргу з-за нянавісці, якая сыходзіць з гэтага роліка. Тым не менш, Ватыкан не будзе ўводзіць дадатковыя меры бяспекі, якія і без гэтага ўжо знаходзяцца на даволі высокім узроўні.

Абноўлена 28.08.2017 12:04
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа