Прэфектура Папскага Дома інфармуе, што ў сераду 2 верасня зноў пачнуць адбывацца агульныя аўдыенцыі Святога Айца з удзелам вернікаў.
Адпаведнае паведамленне было апублікавана 26 жніўня прэс-службай Святога Пасаду.
У адпаведнасці з санітарнымі прадпісаннямі ўладаў, аўдыенцыі ў верасні будуць адбывацца на двары святога Дамаса Апостальскага палацу ў 9.30.
У іх змогуць браць удзел усе жадаючыя без уваходных білетаў. Уваход будзе адкрыты з 7.30 з боку Бронзавай брамы (з правага боку каланады на плошчы Святога Пятра).
Нагадаем, што апошняя агульная аўдыенцыя Папы Францішка з удзелам вернікаў адбылася 26 лютага на плошчы Святога Пятра, пасля чаго ў сувязі са складанай эпідэміялагічнай сітуацыяй Папа звяртаўся да вернікаў з бібліятэкі Апостальскага палацу.
