Пошук


29.08.2019 19:31   Паводле: Vatican News
Адна з гэтых ялін паедзе ў Ватыкан. Фота: ilgiornaledivicenza.it

Вялікую елку, якая ў перыяд Нараджэння Пана ўпрыгожыць плошчу св. Пятра ў Ватыкане, прывязуць сёлета з Альтап’яна-дзі-Азіяга, што ў правінцыі Вічэнца на паўночным усходзе Італіі.

Калядную елку на плошчу, а таксама меншыя ў рэзідэнцыю папы Францішка і Бэнэдыкта XVI ахвяруе кансорцыюм Ротца, Пэдэскала і Сан-Пьетра, паведаміла беларуская рэдакцыя парталу Vatican News.

Велічная лясная прыгажуня будзе стаяць на галоўнай ватыканскай плошчы, адкуль мільёны людзей ва ўсім свеце змогуць убачыць яе па тэлебачанні.

Яшчэ некалькі меншых елачак аздобяць двор Ватыканскіх музеяў, прыватныя апартаменты папы Францішка ў Доме св. Марты і пакоі Бэнэдыкта XVI у кляштары Mater Ecclesia.

Калядныя елкі з лясоў рэгіёну Вэнэта прыедуць у Ватыкан упершыню. Некалькі дзён таму прадстаўнік адміністрацыі Ватыканскіх садоў наведаў гэты рэгіён, каб разам з гаспадарамі выбраць адпаведныя дрэвы.

Фота: panorama.it

Звычай усталёўваць елку на галоўнай ватыканскай плошчы быў уведзены ў 1982 г. святым Янам Паўлам II. Ідэя прыйшлася даспадобы як рымлянам, так і шматлікім пілігрымам і турыстам. Першапачаткова дрэвы прывозілі з італьянскіх лясоў, але іншыя краіны хутка далучыліся да кампаніі, разглядаючы ахвяраванне елкі Пантыфіку як гонар і адначасова як магчымасць папулярызацыі свайго рэгіёна.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа