Пошук


13.06.2019 11:09   Тэкст і фота: Наталля Шкрэдава / Catholic.by

10 чэрвеня ў чавускім касцёле Найсвяцейшай Панны Марыі Маці Касцёла адбылася ўрачыстая св. Імша ў дзень парафіяльнага адпусту, цэлебрацыю якой узначаліў біскуп Аляксандр Яшэўскі SDB, Біскупскі вікарый для горада Магілёва і Магілёўскай вобласці.

Падзяліць вялікую радасць з мясцовымі парафіянамі прыехалі таксама вернікі і святары з суседніх парафій: з Магілёва, Шклова, Крычава, Горак, Княжыц і Фашчаўкі.

У прамоўленай гаміліі біскуп Аляксандр адзначыў, што чавуская парафія — адзіная ў архідыяцэзіі, якае мае гонар насіць тытул Марыі Маці Касцёла.

«Гэтае свята — выдатная магчымасць сустрэцца вернікам і святарам розных парафій для супольнай малітвы праз заступніцтва Маці Касцёла аб духоўным узрастанні і трыванні ў веры», — падкрэсліў іерарх.

Ён дадаў, што словы Маці Божай, пададзеныя ў Евангеллі паводле Яна: «Тое, што Ён скажа вам, зрабіце» (Ян 2, 5), маюць вельмі глыбокі сэнс. Па-першае, Марыя заклікае быць паслухмянымі Богу. Па-другое, ў Яе словах гучыць заклік да вернікаў заўсёды быць вернымі Касцёлу, заснаванаму самім Хрыстом Збаўцам дзеля захавання веры і дапамогі на шляху збаўлення.

«Езус сам у сваім Касцёле працягвае вучыць усіх любові, бо толькі яна можа змяніць чалавека да лепшага і даць збаўленне», — сцвердзіў біскуп Аляксандр Яшэўскі, заахвоціўшы да духоўнага ўдасканалення і трывання ў веры.

Падчас свята вернікі і святары не толькі супольна маліліся, але таксама мелі магчымасць пабыць разам і паразмаўляць на розныя тэмы, дзелячыся вопытам сваёй веры і жыццёвым досведам.

Абноўлена 13.06.2019 16:01
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа