У першы дзень веснавога месяца мая, асаблівым чынам прысвечанага ў каталіцкай традыцыі Панне Марыі, у Нацыянальным санктуарыі Маці Божай Будслаўскай распачалася сустрэча прадстаўнікоў рухаў і супольнасцяў Касцёла на Беларусі.
У Будслаў ужо прыбыў біскуп Юрый Касабуцкі, які стаў ініцыятарам правядзення гэтай сустрэчы.
У сустрэчы ў Будславе бяруць удзел прадстаўнікі рухаў Focolari, «Маці ў малітве», «Легiён Марыi», супольнасцi «Каштоўная пярлiна» i «Хатнi Касцёл», руху «Святло-Жыццё», Шанштацкага руху, Апостальства дапамогi душам чысцовым, Таварыства Маці Божай Апякункі добрай смерці, Equipes Notre-Dame (супольнасць Маці Божай), «Сужэнскія сустрэчы», «Неакатэхуменальны шлях» i iншых рэлігійных супольнасцяў і груп.
