Пошук


30.04.2019 19:03   Catholic.by
Фота: ostrovets.by

У ноч з 27 на 28 красавіка невядомыя вандалы пашкодзілі агароджу на магіле кс. Леаніда Несцюка, былога пробашча парафіі Найсвяцейшай Тройцы ў Гервятах, пахаванага на прыкасцёльным цвінтары каля адноўленай ім святыні.

Пра здзейснены на магіле спачылага святара акт вандалізму паведаміў сайт газеты «Астравецкая праўда».

Аўтар артыкула Ніна Рыбік згадвае спачылага ксяндза Леаніда цёплым словам, апавядаючы, што намаганнямі гэтага руплівага пастыра касцёл у Гервятах заззяў прыгажосцю, якая вабіць вернікаў і турыстаў з усёй Беларусі і з-за мяжы. Яна таксама дае жорсткую ацэнку таму, што цяпер адбылося на магіле святара, якога так моцна любілі і паважалі не толькі яго парафіяне, але практычна ўсе, хто яго ведаў:

«Гэта не проста акт вандалізму <…> Гэта нешта большае — нож у сэрца ўсім, хто ведаў ксяндза Леаніда; плявок у душу ўсім астраўчанам, незалежна ад іх веравызнання».

Як слушна заўважае карэспандэнт «Астравецкай праўды», падобныя дзеянні на месцы пахавання — гэта не толькі знявага памяці памерлых, але і абраза тых, хто з пашанаю захоўвае памяць пра іх.

Падобную рэакцыю выклікаў у многіх людзей таксама знос крыжоў у Курапатах, супраць якога рашуча выказаўся кіраўнік беларускага каталіцкага епіскапату арцыбіскуп Тадэвуш Кандрусевіч.

Абноўлена 01.05.2019 07:44
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа