Цэлебрацыю Пасхальнай вігіліі ў святую ноч і ўрачыстай св. Імшы з рэзурэкцыйнай працэсіяй у нядзелю Змёртвыхпаўстання Пана ў магілёўскім конкатэдральным касцёле Унебаўзяцца Найсвяцейшай Панны Марыі і святога Станіслава ўзначаліў біскуп Аляксандр Яшэўскі SDB.
Прапануем вашай увазе фотарэпартаж са святкавання цэнтральнай таямніцы хрысціянскай веры ў старажытнай біскупскай сталіцы на берагах Дняпра.
Велікодныя ўрачыстасці пад кіраўніцтвам біскупскага вікарыя для горада Магілёва і Магілёўскай вобласці прайшлі ў атмасферы пасхальнай радасці і ў духу сапраўднага адзінства сэрцаў мясцовых вернікаў.
