20 красавіка, у вігілію ўрачыстасці Змёртвыхпаўстання Пана, у мінскіх парафіях адбылося благаслаўленне страваў на велікодны стол.
Парафіі наведалі біскупы, якія сустрэліся з парафіянамі і благаславілі прынесеныя імі стравы. Вернікі будуць спажываць гэтыя стравы на Вялікдзень, святкуючы Уваскрасенне Езуса Хрыста.
Арцыбіскуп Тадэвуш Кандрусевіч, Мітрапаліт Мінска-Магілёўскі, благаславіў велікодныя стравы ў архікатэдральным касцёле Найсвяцейшага Імя Марыі.
Апостальскі нунцый у Беларусі арцыбіскуп Габар Пінтэр наведаў парафію Божага Цела, парафію св. Сымона і св. Алены ў Мінску і парафію Багародзіцы Апякункі сем'яў у Ждановічах.
Дапаможны біскуп Мінска-Магілёўскай архідыяцэзіі Юрый Касабуцкі благаславіў велікодныя стравы ў парафіі св. Антонія, парафіі Беззаганнага Зачацця Найсвяцейшай Панны Марыі і парафіі св. Яна Хрысціцеля ў Мінску.
