Пошук


09.04.2019 08:01   Catholic.by
Фота Віталія Палінеўскага

Каманда маладых католікаў запусціла інтэрнэт-сервіс Imsha.by, які дае актуальную інфармацыю пра расклад святых Імшаў у парафіях Мінска.

Як пішуць стваральнікі гэтага інфармацыйнага сайта, ім неаднаразова даводзілася сутыкацца з цяжкасцямі пры спробе даведацца, дзе і калі можна трапіць на св. Імшу ў сталіцы:

«Гэта не так проста — інфармацыя, схаваная ў глыбіні інтэрнэт-старонак і ў суполках сацсетак, часам была неактуальная, і даводзілася тэлефанаваць сябрам-католікам і пытацца — а якой гадзіне святая Імша?»

Стала зразумела, што Мінску патрэбны актуальны расклад Імшаў. У выніку з’явіўся гэты праект — старонка, на якой пададзены месца і час цэлебрацыі святой Эўхарыстыі ў сталіцы.

«Інфармацыя пастаянна актуалізуецца, і мы маем намер з цягам часу ахапіць усю Беларусь, а, магчыма, і ўвесь свет», — заяўляюць стваральнікі сэрвісу.

Ад распрацоўшчыкаў

1. Актуальнасць інфармацыі. Ініцыятары праекту супрацоўнічаюць перадусім з парафіямі, і менавіта ад эфектыўнасці гэтага супрацоўніцтва будзе залежаць поспех праекту. Мэта каманды распрацоўшчыкаў — даць зручную прыладу і арганізаваць працэс абнаўлення раскладу св. Імшаў.

2. Даступнасць інфармацыі ў сеціве. Сёння немагчыма знайсці расклад св. Імшаў праз такія пошукавыя сэрвісы, як Google і Yandex.

Адна з асноўных мэтаў праекту — дасягнуць выніку, каб па ключавых словах выводзілася інфармацыя з сэрвісу Imsha.by.

Гэтая задача яшчэ толькі рэалізуецца, і пакуль не ўдасца знайсці інфармацыю з сэрвісу сярод першых вынікаў пошуку. Каманда працуе над гэтым.

3. Узаемадзеянне з дзеючымі парталамі. Праект тэхнічна зроблены такім чынам, каб была магчымасць яго інтэграцыі з іншымі парталамі і прылажэннямі. Гэтая актыўнасць пакуль у планах, але ў будучыні карыстальнікі змогуць бачыць аднолькавую актуальную інфармацыю на ўсіх рэсурсах у сеціве.

Абноўлена 09.04.2019 12:10
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа