16 лютага мужчынская суполка «Жывога Ружанца» з мінскай парафіі св. Сымона і св. Алены здзейсніла пілігрымку ў Будслаў.
Супольнасць «Жывога Ружанца», якая складаецца з мужчын, існуе ў Чырвоным касцёле з 1996 г. пад кіраўніцтвам ксяндза каноніка Уладзіслава Завальнюка. Нядаўна да яе далучыўся біскуп Казімір Велікаселец, які штодзённа моліцца ўсе чатыры часткі Святога Ружанца.
Мужчыны з ружанцамі ў руках давяраюць Богу праз заступніцтва Найсвяцейшай Панны Марыі не толькі свае інтэнцыі, але моляцца і за парафію, і за родную Беларусь.
Апоўдні перад цудатворным абразом Маці Божай Будслаўскай у нацыянальным санктуарыі мужчыны з суполкі «Жывога Ружанца» з парафіі св. Сымона і св. Алены ўзялі ўдзел у св. Імшы, цэлебрацыю якой узначаліў кс. канонік Уладзіслаў Завальнюк.
