![](/3/images/news/2019/02/9417/2019-02-15-magileu-001.jpg)
15 лютага ў Магілёве па ініцыятыве Мінска-Магілёўскай архідыяцэзіі і дабрачыннага фонду «Адкрытыя сэрцы» прайшоў круглы стол «Факультатыў аб асновах сямейнага жыцця і сучасныя пагрозы інстытуту сям’і».
У круглым стале ўзялі ўдзел дапаможны біскуп Мінска-Магілёўскай архідыяцэзіі Аляксандр Яшэўскі SDB, кс. прэлат Андрэй Стэцкевіч, прадстаўнікі Праваслаўнай і Грэка-Каталіцкай Цэркваў, Лютэранскай абшчыны, супрацоўнікі аддзела адукацыі Магілёўскага гарвыканкама, прадстаўнікі грамадскіх і рэлігійных арганізацый, СМІ.
22 студзеня была апублікавана вучэбная праграма факультатыўных заняткаў «Асновы сямейнага жыцця для навучэнцаў 9-11-х класаў».
Удзельнікі круглага стала ў цэлым пазітыўна ацанілі гэтую праграму, бо яе мэты і задачы накіраваныя на тое, каб умацоўваць сужэнства і сям’ю, фарміраваць пазітыўны вобраз сям’і і бацькоўства з улікам культурных і нацыянальных традыцый беларускага народа.
Біскуп Аляксандр Яшэўскі ў сваім слове адзначыў: «Мы, хрысціяне, не можам знаходзіцца дзесьці ўбаку альбо маўчаць на тэмы, якія датычацца выхавання і адукацыі дзяцей і моладзі, таму што менавіта яны з’яўляюцца надзеяй нашага грамадства і нашых хрысціянскіх супольнасцяў».
Па словах іерарха, ідэя стварэння Міністэрствам адукацыі для вучняў 9, 10 і 11 класаў факультатыва аб асновах сямейнага жыцця «сама па сабе добрая, дарэчная і своечасовая».
![](/3/images/news/2019/02/9417/2019-02-15-magileu-006.jpg)
«У ліку заяўленых мэтаў і задач праграмы гэтага факультатыва ідзе гаворка пра тое, каб спрыяць фарміраванню каштоўнасных адносін да інстытуту шлюбу і сям’і, да пазітыўнага вобразу і паважлівага стаўлення да сям’і, прадставіць яе духоўныя каштоўнасці, закрануць тэму бацькоўства.
Такія пастулаты вітаюцца і падтрымліваюцца Рыма-Каталіцкім Касцёлам, як і любой іншай хрысціянскай канфесіяй», — сказаў біскуп.
Аднак, дадаў ён, «нароўні з настолькі пазітыўнымі мэтамі і задачамі ў дадзенай праграме, для яе рэалізацыі выкарыстоўваюцца чужыя беларускай традыцыйнай культуры элементы, якія хаваюцца за словамі “гендарны”, “гендарная сацыялізацыя”, “гендарныя ролі”, “гендарныя стэрэатыпы”, “рэпрадуктыўны”, “шлюбны партнёр”, няправільнае выкарыстанне паняцця “планаванне сям’і”, а таксама падзел на “традыцыйную” і “сучасную” сям’ю».
«Як іерарх Каталіцкага Касцёла выказваю сваю глыбокую заклапочанасць распаўсюджваннем гендарнай ідэалогіі ў адукацыі моладзі беларускага грамадства, таму што яна вядзе да разбурэння традыцыйнай сям’і з яе асноў, з фундамента.
Праграма факультатыва паказвае, што прыхільнікі гендарнай ідэалогіі імкнуцца да ўвядзення ў беларускіх школах маральна скажонага паняцца пра шлюб, сям’ю і сексуальнае выхаванне моладзі, негледзячы на тое, што дзяржаўныя ўлады нашай краіны шматразова выказваліся ў падтрымку маральных і гісторыка-культурных хрысціянскіх каштоўнасцяў нашага народа, у тым ліку адносна сям’і, адукацыі і выхаванню дзяцей і моладзі», — падкрэсліў біскуп.
Па яго словах, «сённяшняя моладзь і дзеці гатовы адкрыцца на дабро, на глыбокія і праўдзівыя каштоўнасці»; «маладыя шукаюць праўды, і рэлігія — першапачатковая яе крыніца».
«Перажываючы шматлікія трагедыі ў нашым грамадстве, такія, як апошняе здарэнне ў Стаўбцах, (...) бачна, што дзеці і моладзь патрабуюць і ў школах сведчання пра Бога, які ў Езусе Хрысце паказаў сваю любоў да чалавека. Езус Хрыстус даў нам прыклад таго, як гэта рабіць», — заўважыў іерарх.
Біскуп нагадаў, што «школа, пасля сям’і, акрамя перадачы ведаў, павінна прывіваць маладому пакаленню каштоўнасці, удасканальваць яго маральнае жыццё, а таксама выхоўваць на сумленных грамадзян».
«У школе выкладаюцца розныя прадметы, і, безумоўна, усе яны важныя. Навука рэлігіі па сваім значэнні не саступае ніводнаму з іх, а нават, асмелюся сцвярджаць, з’яўляецца больш важнай за ўсе школьныя прадметы, разам узятыя, таму што навучае таму, як быць чалавекам сумленным, як прабачаць, як дапамагаць іншым, як любіць Бога і бліжняга. Школа дае веды, а рэлігійнае навучанне — сапраўдную жыццёвую мудрасць», — адзначыў іерарх.
Ён дадаў, што «вялікі педагог і настаўнік святы Ян Боско, які выхаваў такую колькасць моладых людзеў у святасці, засноўваў сваю выхаваўчую дзейнасць на трох калонах выхавання: на рэлігіі, розуме і любові, — так званай прэвентыўнай сістэме выхавання».
Прадстаўнікі дабрачыннага фонду «Адкрытыя сэрцы» Іван Пузанаў і Уладзіслаў Валаховіч звярнулі ўвагу на тое, што разам з пазітыўнымі мэтай і задачамі ў праграме факультатыва «Асновы сямейнага жыцця» важнае месца занялі глыбока чужыя беларускай культуры элементы. Гаворка ідзе аб паняццях «гендарныя ролі», «гендарныя стэрэатыпы», «рэпрадуктыўны», «планаванне сям’і», «партнёр».
![](/3/images/news/2019/02/9417/2019-02-15-magileu-024.jpg)
Гэтыя тэрміны ў сучасным свеце адлюстроўваюць у асноўным светапогляд так званай «ЛГБТ-супольнасці», а таксама прыхільнікаў абортаў і кантрацэпцыі як метадаў кантролю над нараджальнасцю. Такі светапогляд прасоўваюць ААН і іншыя глабальныя фонды, а таксама недзяржаўныя арганізацыі, якія фінансуюцца імі, і адбываецца гэта ў тым ліку праз праграмы сексуальнай адукацыі.
![](/3/images/news/2019/02/9417/2019-02-15-magileu-015.jpg)
Як адзначыла псіхатэрапеўт сястра Вікторыя Чакан, сыход дзяцей і падлеткаў у лічбавую прастору ўжо сёння ўскладняе любыя выхаваўчыя працэсы, таму ў такой важнай сферы, як падрыхтоўка да сямейнага жыцця, як ніколі важнымі з’яўляюцца выразныя і зразумелыя паняцці.
У сувязі з гэтым удзельнікі круглага стала прапанавалі выкарыстоўваць у праграме «Асновы сямейнага жыцця» выключна зразумелыя ўсім традыцыйныя адназначныя паняцці: мужчыны і жанчыны, муж і жонка, дзетараджэнне і гэтак далей.
Выкладчыкі дадзенага прадмета павінны быць арыентаваны на традыцыйныя сямейныя каштоўнасці, цнатлівасць да шлюбу, вернасць у шлюбе, шматдзетнасць. У адваротным выпадку лепш, каб гэты прадмет не выкладаўся ўвогуле.
![](/3/images/previews/news/2019/02/9417/s-2019-02-15-magileu-001-cb.jpg)
![](/3/images/previews/news/2019/02/9417/s-2019-02-15-magileu-002-cb.jpg)
![](/3/images/previews/news/2019/02/9417/s-2019-02-15-magileu-003-cb.jpg)
![](/3/images/previews/news/2019/02/9417/s-2019-02-15-magileu-004-cb.jpg)
![](/3/images/previews/news/2019/02/9417/s-2019-02-15-magileu-005-cb.jpg)
![](/3/images/previews/news/2019/02/9417/s-2019-02-15-magileu-006-cb.jpg)
![](/3/images/previews/news/2019/02/9417/s-2019-02-15-magileu-007-cb.jpg)
![](/3/images/previews/news/2019/02/9417/s-2019-02-15-magileu-008-cb.jpg)
![](/3/images/previews/news/2019/02/9417/s-2019-02-15-magileu-009-cb.jpg)
![](/3/images/previews/news/2019/02/9417/s-2019-02-15-magileu-010-cb.jpg)
![](/3/images/previews/news/2019/02/9417/s-2019-02-15-magileu-011-cb.jpg)
![](/3/images/previews/news/2019/02/9417/s-2019-02-15-magileu-012-cb.jpg)
![](/3/images/previews/news/2019/02/9417/s-2019-02-15-magileu-013-cb.jpg)
![](/3/images/previews/news/2019/02/9417/s-2019-02-15-magileu-014-cb.jpg)
![](/3/images/previews/news/2019/02/9417/s-2019-02-15-magileu-015-cb.jpg)
![](/3/images/previews/news/2019/02/9417/s-2019-02-15-magileu-016-cb.jpg)
![](/3/images/previews/news/2019/02/9417/s-2019-02-15-magileu-017-cb.jpg)
![](/3/images/previews/news/2019/02/9417/s-2019-02-15-magileu-018-cb.jpg)
![](/3/images/previews/news/2019/02/9417/s-2019-02-15-magileu-019-cb.jpg)
![](/3/images/previews/news/2019/02/9417/s-2019-02-15-magileu-020-cb.jpg)
![](/3/images/previews/news/2019/02/9417/s-2019-02-15-magileu-021-cb.jpg)
![](/3/images/previews/news/2019/02/9417/s-2019-02-15-magileu-022-cb.jpg)
![](/3/images/previews/news/2019/02/9417/s-2019-02-15-magileu-023-cb.jpg)
![](/3/images/previews/news/2019/02/9417/s-2019-02-15-magileu-024-cb.jpg)
![](/3/images/news/2019/02/9417/2019-02-15-magileu-001.jpg)
![](/3/images/news/2019/02/9417/2019-02-15-magileu-002.jpg)
![](/3/images/news/2019/02/9417/2019-02-15-magileu-003.jpg)
![](/3/images/news/2019/02/9417/2019-02-15-magileu-004.jpg)
![](/3/images/news/2019/02/9417/2019-02-15-magileu-005.jpg)
![](/3/images/news/2019/02/9417/2019-02-15-magileu-006.jpg)
![](/3/images/news/2019/02/9417/2019-02-15-magileu-007.jpg)
![](/3/images/news/2019/02/9417/2019-02-15-magileu-008.jpg)
![](/3/images/news/2019/02/9417/2019-02-15-magileu-009.jpg)
![](/3/images/news/2019/02/9417/2019-02-15-magileu-010.jpg)
![](/3/images/news/2019/02/9417/2019-02-15-magileu-011.jpg)
![](/3/images/news/2019/02/9417/2019-02-15-magileu-012.jpg)
![](/3/images/news/2019/02/9417/2019-02-15-magileu-013.jpg)
![](/3/images/news/2019/02/9417/2019-02-15-magileu-014.jpg)
![](/3/images/news/2019/02/9417/2019-02-15-magileu-015.jpg)
![](/3/images/news/2019/02/9417/2019-02-15-magileu-016.jpg)
![](/3/images/news/2019/02/9417/2019-02-15-magileu-017.jpg)
![](/3/images/news/2019/02/9417/2019-02-15-magileu-018.jpg)
![](/3/images/news/2019/02/9417/2019-02-15-magileu-019.jpg)
![](/3/images/news/2019/02/9417/2019-02-15-magileu-020.jpg)
![](/3/images/news/2019/02/9417/2019-02-15-magileu-021.jpg)
![](/3/images/news/2019/02/9417/2019-02-15-magileu-022.jpg)
![](/3/images/news/2019/02/9417/2019-02-15-magileu-023.jpg)
![](/3/images/news/2019/02/9417/2019-02-15-magileu-024.jpg)
Таксама ўдзельнікамі круглага стала было прапанавана прыцягваць прадстаўнікоў традыцыйных канфесій і патрыятычных грамадскіх арганізацый да падрыхтоўкі падобных праграм, а таксама літаратуры і выкладчыкаў для іх.
Па выніках круглага стала была прынята рэзалюцыя, якая будзе накіравана Прэзідэнту Рэспублікі Беларусь, Міністру адукацыі, членам Савета міністраў, старшыням камісій Палаты прадстаўнікоў і Савета Рэспублікі.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)