3 студзеня пінская катэдральная базыліка сабрала святароў і кансэкраваных асобаў з усёй дыяцэіі на калядную аплаткавую сустрэчу.
У межах сустрэчы яе ўдзельнікі мелі магчымасць духоўна засяроддзіцца ў супольнай малітве падчас адарацыі Найсвяцейшага Сакрамэнту, перажывання сумеснай Эўхарыстыі, дзялення аплаткай і святочнымі віншаваннямі.
Падчас прынагоднай св. Імшы біскуп Пінскі Антоні Дзям’янка заахвоціў удзельнікаў сустрэчы дзяліцца радасцю Евангелля на месцах свайго служэння.
Іерарх падзякаваў святарам і кансэкраваным асобам за іх ахвярнае служэнне на Палессі.
У сваю чаргу прадстаўнікі духавенства і манаскіх супольнасцяў склалі біскупу Антонію віншаванні з нагоды свята Божага Нараджэння і яго ўласнага дня нараджэння, жадаючы далейшых плёнаў у працы і благаслаўлення ад Дзіцяткі Езуса ў пастырскім служэнні на Піншчыне.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)