З 2 па 4 студзеня ў духоўнай семінарыі імя св. Тамаша Аквінскага ў Пінску адбылася фармацыйная сустрэча міністрантаў Пінскай дыяцэзіі.
На працягу трох дзён некалькі дзясяткаў маладых прадстаўнікоў літургічнай службы алтара з розных парафій дыяцэзіі знаёміліся з асаблівасцямі паасобных форм служэння ў Касцёле. Акрамя заняткаў, юнакі мелі магчымасць паспаборнічаць у гульнях па міні-футболе і праявіць свае спартыўныя здольнасці.
З калядным візітам і святочнай праграмай міністранты таксама наведалі пастаяльцаў Лагішынскага дома міласэрнасці.
Падчас сустрэчы міністранты сталі ўдзельнікамі аплаткавай каляднай сустрэчы святароў Пінскай дыяцэзіі.
Юнакі, якія разважаюць над сваім пакліканнем, мелі магчымасць паразмаўляць з семінарыстамі і святарамі, памаліцца ў непаўторнай атмасферы Пінскай семінарыі.
