Пошук


31.12.2018 12:34   Фота: кс. Юзаф Сярпейка / Catholic.by

29 снежня ў катэдральным касцёле Унебаўзяцця Найсвяцейшай Панны Марыі і св. Станіслава ў Магілёве прайшла аплаткавая сустрэча для медыкаў, настаўнікаў, выхаваўцаў і журналістаў.

Сустрэча стала ўжо пятай па ліку ў цыкле аплаткавых сустрэч біскупа Аляксандра Яшэўскага SDB, біскупскага вікарыя для Магілёва і Магілёўскай вобласці, з прадстаўнікамі розных прафесій, удзельнікамі малітоўных груп і рэлігійных рухаў у Магілёўскім рэгіёне.

Распачалася сустрэча супольным удзелам у святой Імшы, якую ўзначаліў біскуп Аляксандр Яшэўскі. Іерарх цэлебраваў Эўхарыстыю ў інтэнцыі ўсіх прадстаўнікоў вышэйзгаданых прафесій, каб яны «ў асабістым і прафесійным жыцці кіраваліся дарам сваёй хрысціянскай веры і былі сапраўднымі сведкамі на месцах свайго прафесійнага служэння».

Пасля Імшы адбылася аплаткавая сустрэча, у якой прынялі ўдзел таксама пробашч парафіі кс. Віталій Маргуноў і вікарый кс. Юзаф Сярпейка.

    

 

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа