У вігілію ўрачыстасці Божага Нараджэння біскуп Алег Буткевіч наведаў Віцебскі абласны радзільны дом.
Візіт у гэтую ўстанову аховы здароўя біскупа Віцебскага, якога суправаджалі намеснік дырэктара дабрачыннага фонду «Адкрытыя сэрцы» Іван Пузанаў і валанцёр фонду Вольга Чаркасава, а таксама супрацоўніца Caritas Віцебскай дыяцэзіі с. Дар'я Галубкова, адбыўся па запрашэнні галоўнага ўрача Алены Леановіч
Біскуп Алег Буткевіч павіншаваў маладых маці з нараджэннем дзяцей, а таксама з надыходзячымі святамі Нараджэння Пана і Новым годам, благаславіў немаўлят і ўручыў падарункі, падрыхтаваныя сумесна фондам «Адкрытыя сэрцы» і Caritas Віцебскай дыяцэзіі.
