Пошук


21.12.2018 07:00   Паводле: Kс. Юрый Марціновіч / grodnensis.by
Фота Аляксандры Шчыглінскай

19 снежня ў парафіі Святой Сям’і ў Лідзе адбылася аплаткавая сустрэча святароў і кансэкраваных асобаў Гродзенскай дыяцэзіі.

Як паведамляе партал Гродзенскай дыяцэзіі Grodnensis.by, сустрэча распачалася канферэнцыяй, з якой выступіў кс. Ян Сарэла, духоўны айцец Міждыяцэзіяльнай вышэйшай духоўнай семінарыі ў Гродне. Святар падкрэсліў значэнне супольнасці, якую будуюць духавенства і кансэкраваныя асобы, утвараючы Касцёл на Гродзеншчыне.

Ад імя ўсіх святароў і кансэкраваных асобаў дыяцэзіі віншаванні прысутнаму на сустрэчы біскупу Гродзенскаму Аляксандру Кашкевічу выказаў кс. кан. Уладзімір Гуляй, біскупскі вікарый Лідскага рэгіёна. Святар адзначыў, што блізкія святы Божага Нараджэння — нагода для таго, каб адкрыць праўду, што Езус Хрыстус з’яўляецца Богам для нас.

Біскуп Кашкевіч падзякаваў усяму духавенству і сёстрам дыяцэзіі за ахвярнае служэнне ў парафіяльных супольнасцях і за ўсе душпастырскія ініцыятывы.

«Дзякую вам за тое, што сваім штодзённым адданым служэннем вы ўзбагачаеце Касцёл на Гродзеншчыне», — дадаў іерарх.

Ён пажадаў, каб новы 2019 год Пана прынёс у жыцці кожнага святара і законнай сястры плён Божай ласкі, а запал і руплівасць працягвалі ўсім спадарожнічаць.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа