17 снежня з нагоды надыходзячага свята Божага Нараджэння музычны гурт «AVE» Вышэйшай духоўнай семінарыі ў Гродне наведаў з калядным канцэртам Гродзенскі прафесійна-тэхнічны каледж бытавога абслугоўвання насельніцтва.
Такія сустрэчы сталі ўжо традыцыяй, бо амаль кожны год семінарысты разам з выхавацелямі наведваюць навучэнцаў каледжа, каб падзяліцца радасцю ад блізкіх святаў Божага Нараджэння.
Цёплая і шчырая атмасфера падчас канцэрту спрыяла таму, каб прысутныя адчулі блізкасць Бога, Яго айцоўскую любоў і няспынную падтрымку, дапамогу і апеку ў іх штодзённым жыцці.
У кароткіх перапынках паміж песнямі семінарысты разам з навучэнцамі каледжа разважалі пра таямніцу Божага Уцелаўлення і сэнс Нараджэння Пана, шукаючы тым самым Божы голас, які заклікае да радасці і любові ў апошнія дні перад прыйсцем Збаўцы.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)