8 снежня, ва ўрачыстасць Беззаганнага Зачацця Найсвяцейшай Панны Марыі, падчас св. Імшы ў семінарыйнай капліцы ў Стадніках (Польшча) у прысутнасці кс. правінцыяла Веслава Свеха SCJ студэнт пятага курса Віталій Венцкевіч прынёс вечныя манаскія абяцанні ў Кангрэгацыі Ксяндзоў Найсвяцейшага Сэрца Езуса.
На ўрачыстасць вечных манаскіх абяцанняў з’ехаліся шматлікія сабраты сэрцане з Польшчы і Беларусі, а таксама родныя маладога законніка.
Даючы Хрысту вечныя манаскія абяцанні чыстасці, убоства і паслухмянасці, брат Віталій абавязаўся любіць свайго Збаўцу ўсім сэрцам — гэтак жа, як Ён палюбіў нас.
Гэтая падзея для супольнасці сэрцанаў стала нагодай выказаць удзячнасць Богу за дар яшчэ аднаго брата, які вырашыў аддаць усё сваё жыццё на служэнне Богу і Касцёлу, рэалізуючы харызму супольнасці. Урачыстасць Беззаганнага Зачацця Найсвяцейшай Панны Марыі традыцыйна з’яўляецца часам прынясення вечных манаскіх абяцанняў у гэтай кангрэгацыі.
Семінарыст Віталій Венцкевіч паходзіць з гродзенскай парафіі Божай Міласэрнасці (Вішнявец). Некалькі месяцаў таму пасвячэнне прэзбітэрату прыняў яго старэйшы брат Аляксей.
Больш фота ТУТ>>>
