4 снежня ў мінскім Доме начнога знаходжання (Ваупшасава, 42) валанцёры дабрачыннага каталіцкага таварыства «Карытас» Мінска-Магілёўскай архідыяцэзіі разам з бяздомнымі перад вячэрай афармлялі і абклейвалі свечкі, якія будуць рэалізоўвацца да святаў Божага Нараджэння і Новага года. Гэтыя свечкі можна будзе набыць у парафіях Мінска-Магілёўскай архідыяцэзіі.
Усе сабраныя сродкі пойдуць на ўтрыманне Дзіцячага дабрачыннага цэнтра св. Лукі ў Ляскоўцы, дзе жывуць дзеці з анкалагічнымі захворваннямі разам з апекунамі, а таксама ў падтрымку праекта «Сталовая для бяздомных».
Далучыцца да акцыі могуць усе жадаючыя.
Падтрымаць яе можна праз сістэму АРІП (нумар паслугі 434 9831) або па USSD-запыту для абанентаў МТС: *222*16# (сума 2 рублі).
