Пошук

05.12.2018 08:00   Паводле: grodnensis.by, waladarka.by / Catholic.by
Фота Ірыны Гайдамовіч

Баль піярскай моладзі ў Шчучыне быў прымеркаваны да дня апекі св. Юзафа Каласанса, а браслаўскія вернікі сабраліся разам, каб па-хрысціянску весела правесці вечар перад пачаткам Адвэнту.

Айцы піяры, верныя харызме свайго заснавальніка св. Юзафа Каласанса, шмат увагі прысвячаюць выхаванню моладзі. Таму і баль у Шчучыне быў не проста забавай, а магчымасцю набыць добрыя манеры і пазнаёміцца з правіламі этыкету.

Фотa Дзмітрыя Дзікевіча

З гэтаю мэтаю былі арганізаваныя адпаведныя конкурсы, у якіх удзельнікі павінны былі прадэманстраваць сваю выхаванасць, праявіўшы пры гэтым максімум вытрымкі і крэатыўнасці. Завяршыўся піярскі баль супольнай малітвай.

Фота са Шчучына ТУТ>>>

Між тым у Браславе ў вялікай зале дома айца Францішка Ёрдана, названым у гонар заснавальніка супольнасці ксяндзоў сальватарыянаў, якія духоўна апякуюцца мясцовай парафіяй, сабралася больш за 200 чалавек рознага ўзросту, каб супольна і радасна правесці вечар. Хрысціянскі баль перад Адвэнтам тут прайшоў ужо ў трэці раз.

Фота Ірыны Гайдамовіч

Сёлета прысутных, як і ў мінулыя гады, чакалі танцы пад жывую музыку, забавы і конкурсы, а таксама моднае сучаснае відовішча — азотнае шоу. Кожны мог тут знайсці сабе занятак па гусце: ад размоваў за кубкам гарбаты да вясёлых танцаў, ад фотаздымкаў у мексіканскім адзенні да ўдзелу ў эксперыментах з вадкім азотам.

Фота з Браслава ТУТ>>>

Імпрэза дала парафіянама магчымасць не толькі адпачыць, але і бліжэй пазнаёміцца адно з адным, цудоўна правёўшы час разам.

Фота Ірыны Гайдамовіч

Абноўлена 05.12.2018 11:45
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа