17 кастрычніка, які выдаўся незвычайна цёплым і сонечным для гэтага часу, навучэнцы Гродзенскай духоўнай семінарыі разам з прэфектам кс. Андрэем Лішко сустрэліся з вучнямі больцішскай і пелясскай школ, каб згуляць у футбол з камандамі абедзвюх школ.
Надвор’е спрыяла добрай гульні. Потым адбылося ўзнагароджванне ўдзельнікаў міні-турніру: кожны атрымаў маленькі пачастунак.
Хлопцы і дзяўчаты маглі паразмаўляць з будучымі святарамі пра іх жыццёвы выбар.
Сустрэча прынесла шмат эмоцый і ўражанняў вучням і супрацоўнікам школ. Семінарысты ў сваю чаргу атрымалі магчымасць падзяліцца радасцю перажывання свайго паклікання, а таксама даць прыклад веры і асабістай культуры.
