Каталіцкая служба акадэміцкіх абменаў (Katholischer Akademischer Ausländer-Dienst, або KAAD) штогод выдзяляе стыпендыі ад 3 да 36 месяцаў для кандыдатаў з Усходняй Еўропы.
Падаваць заяўку на стыпендыю для навуковага даследавання ў Германіі могуць студэнты, выпускнікі і выкладчыкі беларускіх ВНУ, а таксама магістранты і аспіранты (у выпадку, калі яны ўжо залічаны на навучанне ў нямецкую ВНУ).
Стыпендыі прызначаны найперш для маладых католікаў – студэнтаў і навукоўцаў з краінаў Сярэдняй, Паўднёвай і Усходняй Еўропы, якія знаходзяцца ў стане складаных сацыяльных і палітычных пераменаў.
Свае заяўкі могуць таксама накіроўваць хрысціяне праваслаўнага веравызнання і іншых канфесій. Стыпендыю для правядзення даследаванняў могуць атрымаць таксама медыкі, выпускнікі мастацкіх ВНУ, і даследчыкі, якія ўжо маюць навуковую ступень.
Падрабязная інфармацыя на нямецкай і англійскай мовах.
