Пошук

25.06.2018 11:31   Тэкст і фота: кс. Пётр Шарко / Catholic.by

22 чэрвеня ў касцёле Божага Цела ў Нясвіжы прайшоў канцэрт «Беларускі рамантызм» у межах фестывалю «Вечары Вялікага тэатра ў замку Радзівілаў».

Нацыянальны акадэмічны Вялікі тэатр оперы і балета Рэспублікі Беларусь ужо ў дзявяты раз праводзіць гэты фестываль. Аднак у касцёле духоўная музыка ў выкананні оперных спевакоў гучыць у восьмы раз — былі выкананы творы Франца Петэра Шуберта, Антонія Генрыха Радзівіла, Станіслава Манюшкі, Ёханеса Брамса, Пятра Чайкоўскага і іншых знакамітых кампазітараў эпохі рамантызму.

Рэжысёр і вядучы кацэрта — мастацкі кіраўнік творчага аб’яднання «Беларуская капэла» і заслужаны артыст Рэспублікі Беларусь, лаўрэат Дзяржаўнай прэміі Рэспублікі Беларусь прафесар Віктар Скарабагатаў.

Выконвалі творы Дзмітрый Гарбачук (труба), Ірына Кучынская, Наталля Акініна, Сяргей Лазарэвіч, Юрый Гарадзецкі. Партыю фартэпіяна выконвала Ларыса Церахава.

 

Абноўлена 25.06.2018 11:34
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця