Днямі біскуп Гродзенскі Аляксандр Кашкевіч здзейсніў шэраг персанальных зменаў святароў, якія нясуць служэнне ў Гродзенскай дыяцэзіі.
У іх ліку — цяпер ужо былы вікарый парафіі Беззаганнага Зачацця Найсвяцейшай Панны Марыі ў Лідзе кс. Юрый Беганскі.
Святар стане новым пробашчам парафіі Адведзінаў Найсвяцейшай Панны Марыі ў Тракелях, на тэрыторыі якой знаходзіцца санктуарый Маці Божай Каралевы нашых сем’яў.
На гэтай пасадзе кс. Юрый заменіць кс. Аляксандра Рудзевіча, які нёс служэнне ў Тракелях апошнія 10 гадоў.
Ксёндз Аляксандр Рудзевіч, у сваю чаргу, прызначаны пробашчам парафіі Унебаўзяцця Найсвяцейшай Панны Марыі ў Дзярэчыне (Слонімскі дэканат).
