![](/3/images/news/2018/06/8246/2018-06-18-DSC08412areiuyhw4iquey.jpg)
У дзень адзінства Салезіянскай сям’і, які 16 чэрвеня прайшоў у Смаргоні з удзелам Апостальскага Нунцыя ў Беларусі арцыбіскупа Габара Пінтэра і біскупа Аляксандра Яшэўскага SDB, былі адзначаны два 40-годдзі: дзень нараджэння кс. Віктара Гайдукевіча SDB і гадавіна святарства кс. Юзафа Занеўскага SDB.
![](/3/images/news/2018/06/8246/2018-06-18-DSC08389lkjliUERF.jpg)
На пачатку свята пад гукі аркестра гасцей прывітала моладзь у нацыянальных строях, а таксама… мядзведзь, але сімпатычны і нястрашны, які з’яўляецца сімвалам Смаргоні.
![](/3/images/news/2018/06/8246/2018-06-18-DSC08409jkhseriuytk.jpg)
Дзень адзінства Салезіянскай сям’і — гэта сход святароў салезіянаў, сясцёр салезіянак, салезіянаў супрацоўнікаў, аніматараў, дзецей, моладзі і шматлікія вернікаў з усіх месцаў нашай краіны, дзе працуюць духоўныя сыны і дочкі св. Дона Боско.
![](/3/images/news/2018/06/8246/2018-06-18-426eebb550cd46ce73cc8dcc4d1699c9_XL.jpg)
У сёлетнім дні адзінства браў удзел таксама «апостал Масквы» — пробашч маскоўскай катэдры Беззаганнага Зачацця Найсвяцейшай Панны Марыі кс. Юзаф Занеўскі SDB, які распачынаў салезіянскую справу ў Беларусі і ў гэтыя дні адзначыў 40-ю гадавіну прэзбітэрскага пасвячэння.
![](/3/images/news/2018/06/8246/2018-06-18-DSC08727jkshkjiefyh.jpg)
Традыцыйна дзень адзінства Салезіянская сям’я адзначае ў дзень нараджэння рэгіянальнага настаяцеля. У Беларусі гэтую пасаду займае ксёндз Віктар Гайдукевіч SDB, які нарадзіўся 21 чэрвеня 1978 г.
![](/3/images/news/2018/06/8246/2018-06-18-DSC08384sdfhkisyui8.jpg)
Таму для салезіянаў Беларусі ўжо стала добрай традыцыяй збірацца ў першы месяц лета ў адным з месцаў сваёй прысутнасці, каб разам адзначыць дзень адзінства. Пяць гадоў таму, як і сёлета, беларускія салезіяне ўпершыню адзначалі гэтае свята ў Смаргоні.
![](/3/images/news/2018/06/8246/2018-06-18-DSC08463sdlkjlouitlo.jpg)
Урачыстую святую Імшу ўзначаліў Апостальскі Нунцый арцыбіскуп Габар Пінтэр, а гамілію да прысутных прамовіў біскуп Аляксандр Яшэўскі SDB, які разважаў у ёй пра Езуса як Добрага Пастыра.
![](/3/images/news/2018/06/8246/2018-06-18-DSC08713suieyushksh.jpg)
«Калі мы жадаем наследаваць Добрага Пастыра Хрыста, то павінны пастарацца так палюбіць чалавека, каб быць здольнымі аддаць за яго жыццё», — падкрэсліў іерарх.
![](/3/images/news/2018/06/8246/2018-06-18-DSC08573sldjgerw.jpg)
Прыкладам менавіта такога добрага пастыра біскуп Аляксандр назваў заснавальніка салезіянскага таварыства св. Яна Боско, які прысвяціў сваё жыццё беднай і пакінутай моладзі.
![](/3/images/news/2018/06/8246/2018-06-18-DSC08703dszgtljilrt.jpg)
Біскуп узгадаў таксама і юбіляраў, кс. Віктара і кс. Юзафа, спыніўшыся на асобе кожнага з іх і ўзгадаўшы этапы іх святарскага служэння, а таксама пажадаўшы ім і надалей наследаваць прыклад Езуса і быць добрымі пастырамі для Божага народа.
![](/3/images/news/2018/06/8246/2018-06-18-DSC08562rfasdtpikto.jpg)
Напрыканцы святой Імшы Апостальскі Нунцый арцыбіскуп Габар Пінтэр перадаў ксяндзу Віктару і ксяндзу Юзафу асабістыя віншаванні ад папы Францішка і пастырскае благаслаўленне ад Святога Айца.
![](/3/images/news/2018/06/8246/2018-06-18-aFYIIUIOEWUIOUEWkjhkuyh.jpg)
Больш фота з дня адзінства Салезіянскай сям'і ў Смаргоні ТУТ >>>