Пошук

09.05.2018 13:55   Grodnensis.by

Біскуп Гродзенскі Аляксандр Кашкевіч 8 мая надаў годнасць ганаровых канонікаў катэдральнага капітула Унебаўзяцця Найсвяцейшай Панны Марыі і святога Казіміра васьмі святарам.

Іерарх абвясціў аб прызначэнні падчас святой Імшы, якую ўзначаліў у капліцы Вышэйшай духоўнай семінарыі ў Гродне.

Tытул ганаровага каноніка атрымалі наступныя святары Гродзенскай дыяцэзіі:

  • кс. прэлат Ежы Лявінскі, выкладчык Вышэйшай духоўнай семінарыі ў Гродне,
  • кс. Аляксандр Мацкевіч, канцлер гродзенскай курыі,
  • кс. Валерый Быкоўскі, пробашч парафіі Імя Найсвяцейша Панны Марыі і св. Яна Непамука ў Вялікіх Эйсмантах,
  • кс. Віктар Мыслюк, пробашч парафіі Св. Яна Хрысціцеля ў Воўпе.

Таксама ў гэты дзень ганаровымі канонікамі былі прызначаны наступныя святары, якія служылі ў Гродзенскай дыяцэзіі раней:

  • кс. Раман Катлімоўскі, шматгадовы выкладчык Вышэйшай духоўнай семінарыі ў Гродне, цяпер служыць у Радамскай дыяцэзіі (Польшча),
  • кс. прэлат Лешэк Дамагала, шматгадовы пробашч і кусташ у Капцёўцы, цяпер служыць у Келецкай дыяцэзіі (Польшча),
  • кс. Анджэй Садоўскі, шматгадовы эканом Вышэйшай духоўнай семінарыі ў Гродне, цяпер служыць у Беластоцкай архідыяцэзіі (Польшча),
  • кс. Юзаф Ашкеловіч, святар Віленскай архідыяцэзіі (Літва), які пабудаваў святыні ў Паляцкішках (Воранаўскі дэканат) i Анжадаве (Ашмянскі дэканат).

Надаючы святарам годнасць ганаровых канонікаў, біскуп Аляксандр Кашкевіч выказаў ім удзячнасць за адданае служэнне Касцёлу на Гродзеншчыне.

Абноўлена 09.05.2018 14:19
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа