Біскуп Гродзенскі Аляксандр Кашкевіч прызначыў двух новых грэміяльных канонікаў катэдральнага капітула Унебаўзяцця Найсвяцейшай Панны Марыі і святога Казіміра.
Як паведаміла Прэс-служба Гродзенскай дыяцэзіі, новымі грэміяльнымі канонікамі сталі канцлер курыі Гродзенскай дыяцэзіі ксёндз Аляксандр Мацкевіч і ксёндз Павел Шанчук, пробашч парафіі святых апосталаў Пятра і Паўла ў Гожы і дэкан дэканату Гродна-Усход.
Урачыстая цырымонія з гэтай нагоды адбылася 14 жніўня, у свята святога Максімільяна Марыі Кольбэ, апекуна Гродзенскай дыяцэзіі, на святой Імшы ў гродзенскай катэдралшьнай базыліцы святога Францішка Ксавэрыя.
Цэлебрацыю Эўхарыстыю ўзначаліў біскуп Аляксандр Кашкевіч.
