13 лютага ў Вышэйшай духоўнай семінарыі ў Гродне перад пачаткам Вялікага посту, напярэдадні Папяльца, адбыліся вясёлыя «Запусты».
Немагчыма ўявіць сабе штодзённае жыццё семінарыстаў без арганізацыі час ад часу мерапрыемстваў, якія перажываюцца з усмешкай на твары і садзейнічаюць будаванню братэрскай супольнасці ў духу сапраўднай хрысціянскай любові.
Семінарысты сабраліся ў актавай зале імя св. Яна Паўла II, каб весела правесці час перад саракадзённым перыядам Вялікага посту. Невыказна радасным і забаўным выдаўся творчы вечар для семінарыйнай супольнасці. На ім кожны жадаючы мог праявіць свае здольнасці ў выкананні розных па стылі вядомых песняў і танцаў.
Спадзяёмся, што гэтае мерапрыемства пакінула пасля сябе безліч незабыўных эмоцый і ўспамінаў і паспрыяла аднаўленню духоўных сілаў навучэнцаў, каб свядома ўвайсці ў выключна важны час навяртання і перамены жыцця.
