13 студзеня ў касцёле cвятога Міхала Арханёла ў Навагрудку прайшоў урачысты калядны канцэрт арганнай і інструментальнай музыкі, які сабраў каля 400 чалавек.
У праграме былі прадстаўлены калядныя музычныя творы Польшчы, Беларусі, Венгрыі, Малдовы, Вялікабрытаніі, Даніі, Італіі, ЗША, а таксама класічная музыка ў інструментальным выкананні.
Сярод выканаўцаў былі арганіст Андрэй Міхневіч, піяніст Аляксандр Музыкантаў, музычны праект BonVoyage, а таксама вучні Міжнароднай школы QSI з Польшчы, Ізраіля, Венгрыі, ЗША, Кітая, Латвіі — дзеці дыпламатаў і прадстаўнікоў міжнародных кампаній у Беларусі.
Канцэрт стварыў для мясцовых слухачоў і гасцей з Беластока, Гродна, Баранавіч, Мінска і іншых гарадоў сапраўдную атмасферу Божага Нараджэння, якая праз прыгожую музыку дазволіла дакрануцца да таямніцы Уцелаўлення Хрыста.
